CHAPAR ARU (POESIA)

Qulla Suyu marka

Qulla Suyu marka

Qulla Suyunkiri jilatanaka, kullakanaka,

¿kawkinkapxaraki achachilanakasasti?.

¿Kunasa kamachaskistu?.

¿Kunätsa nayra achachilanakasatxa jani amtasipxtana?.

Pacha Mama, Kunturi mallku,

¿kunasa kamachaski aka aymara qhichhwa markasaru?,

¿Kunätsa achachilanakasana kamachinakaparu takichapxtana?.

¿Kunatsa uka thakhiparu jani sartana?.

¿Kawkinkaraki: Ama Llulla, Ama Suwa, Ama Qhillasti?.

Jichhaxa, jayrakamaki lunthatkamaki.

Ch’ixi wayita pantaluna uchasiñasa p’inqasitakixarakisa.

Aymara aru arsuñasa p’inqasitakïxarakisa

Suninkiri jilata, qhirwankiri kullaka,

yapu yapuchirinaka, yatiqirinaka,

taqpacha markachirinaka...

Nayra achachilanakasana kamachinakaparu arxatapxañäni, uka ñanqha jaqinakaxa janiwa uñtaykistaspati.

Inti Willka, Phaxsi mama yanapt’anipxitaya.

Arasayata, mayasayata warawaranaka qhant’anipxitaya.

Jilata, kullaka jutamaya, pututumpiwa jawsapxsma

janiwa wilamaxa inamaya ch’axch’untatäkaniti.

Ukatawa Tupak Katarixa säna:

Nayakiwa jiwktxa nayxaruxa waranqa waranqanakawa

jutapxani. / ¡¡JALLALLA QULLA SUYU MARKA!!